Sog‘liqni saqlash vazirining tegishli buyrug‘i bilan Hasanov Ulug‘bek Saydakramovich Respublika ixtisoslashtirilgan otorinolaringologiya va bosh-bo‘yin kasalliklari ilmiy-amaliy tibbiyot markazi direktori etib tayinlandi.

U. Hasanov 1994 yilda 1-Toshkent davlat tibbiyot institutini tamomlab, ushbu oliygohning klinik ordinatura, aspirantura bosqichlarida hamda Toshkent tibbiyot akademiyasining doktorantura yo‘nalishida tahsil olgan.

Turli yillarda 1-Toshkent davlat tibbiyot instituti otorinolaringologiya va stomatologiya kafedrasi assistenti, Toshkent tibbiyot akademiyasi otorinolaringologiya va stomatologiya kafedrasi assistenti, dotsenti, kafedra mudiri bo‘lib ishlagan.

Tibbiyot fanlari doktori U. Hasanov tayinlovga qadar Toshkent tibbiyot akademiyasi otorinolaringologiya va stomatologiya kafedrasi professori sifatida faoliyat yuritib kelayotgan edi.